BitTorrent egasi Uorren Baffet bilan tushlik qilishni 4,57 million dollarga sotib oldi

BitTorrent torrent-treker egasi va TRON kriptovalyutasi asoschisi Jastin San yeBay auksionida Uorren Baffet bilan tushlik qilish huquqi g‘olibi bo‘ldi. Bu haqda “RBK” xabar berdi.

“Men, shuningdek, blokcheyn industriya yetakchilarini ham investitsiya titani bilan uchrashishga chaqiraman. Umid qilamanki, bu barchaga foyda keltiradi”, — degan San o‘zining Twitter’dagi sahifasida.

Baffet va uning sherigi Charlz Manger bir necha marta kriptovalyutalarni tanqid qilgan. Jumladan, CNBCga bergan federal intervyuda Baffet bitkoinning haqiqiy qiymati yo‘qligini aytgan va bundan narsalar “firibgarlarni jalb qilishi”ni qo‘shimcha qilgan. Berkshire Hathaway aksiyadorlar yillik yig‘ilishida Baffet bu kriptovalyutani “sarob” deb atagan.

Intervyuda, Baffet, shuningdek, bitkoin asosidagi blokcheyn texnologiyasini muhim hisoblashini, biroq uning muvaffaqiyati kriptovalyutaga bog‘liq emasligini ta’kidlagan.

Baffet San va uning do‘stlari bilan uchrashuvni kutayotganini aytgan. TRON kriptovalyutasi asoschisi investitsion doiralar aksariyat hollarda o‘z fikrini o‘zgartirishini ta’kidlagan. “Investitsion imkoniyatlar ko‘pchilik odamlar texnologiyaga yetarlich baho bermagan paytda yaxshidir”, — degan u.

“Men Baffet bilan kutilayotgan tushlikni o‘zaro hamjihatlik va o‘sishga yordam beruvchi imkoniyati deb qarayapman”, — deb yozgan San o‘zining blogida. U hatto eng muvaffaqiyatli investorlardan biri ham  “to‘lqinni qo‘lday boy berishi” mumkinligini qayd etdi va Kraft Foods bilan shartoma omadsiz bo‘lganini  va kompaniya salohiyatini Amazon, Alphabet va Apple kompaniyalari kabi yuzaga chiqara olmaganini tan olgan.