AQShlik shifokor 25 nafar bemorning o‘limida ayblanmoqda

AQShda intensiv terapiya bo‘limining shifokori 25 nafar mijozni o‘ldirishda ayblanib qo‘lga olindi. U bemorlarga og‘riq qoldiruvchi dori vositasini haddan ortiq ko‘p yuborgan, deb xabar beradi “Korrespondent.net”.

Uilyam Xyuzel 25 kishining qotilligi bo‘yicha ilgari surilgan ayblovni tan olmadi va sudya uni million dollar garov evaziga qo‘yib yuborishni belgiladi.

Tergov ishlariga ko‘ra, vafot etganlarning aksariyati mustaqil nafas ololmagan va  palliativ yordamdan foydalangan, biroq ayrimlarining ahvolini yaxshilash imkoni mavjud bo‘lgan. O‘lim holatlari 2015—2018-yillar oralig‘ida qayd etilgan.

O‘tgan yilning dekabrida Xyuzel besh yildan beri ishlab kelayotgan Maunt-Karmel shifoxonasidan ishdan haydalib, Ogayo shtatida tibbiy litsenziyasidan mahrum etilgan.

Franklin okrugi prokurorining ma’lum qilishicha, u Xyuzelning topshirig‘ini bajargan shifoxonaning boshqa xodimlariga nisbatan ayblov e’lon qilish niyati da emas. Ta’kidlanishicha, tergov ishlari davom etmoqda.