O‘zbekistonda 2019-yil 5 oyida 136 ta qotillik sodir etildi

O‘zbekistonda 2019-yil 5 oyida 136 ta qotillik sodir etildi. Bu o‘tgan yilga nisbatan 27,6 foizga kam, deya xabar beradi O‘zA.

Axborot va ommaviy kommunikatsiyalar agentligidagi matbuot anjumanida Bosh prokuror o‘rinbosari Erkin Yo‘ldoshevning qayd etishicha, o‘tgan vaqt mobaynida jinoyatchilik 30,4 foizga kamaygan.

Prokuratura organlari tomonidan 2019-yil 5 oyida jami 3 ming 497 jinoyat ishi qo‘zg‘atilgan. Shundan 2 ming 462 jinoyat ishi tamomlangan. Bu jarayonda 2 ming 881 nafar shaxsga nisbatan 1 ming 844 jinoyat ishi sudga yuborilgan.

Davlat organlarining fuqarolarga bevosita ta’sir qilishi mumkin bo‘lgan 15 ming qarori qonunga muvofiqlashtirildi.