Samarqand shahridagi ko‘chalarning atigi 20 foizi ta’mirlangan

Samarqand shahridagi ko‘chalarning 20 foizi ta’mirlangan. Bu haqda viloyat teleradiokompaniyasining “Ochiq muloqot” ko‘rsatuvida Samarqand shahar hokimi vazifasini bajaruvchi Boburmirzo Obloqulov aytib o‘tdi.

Hokim, shuningdek, ko‘chalarning ayanchli ahvoli qator yillar mobaynida samarqandliklarning davomiy muammosi bo‘lganini bildirib, uni tuzatish bo‘yicha 2018-yilda 90 kilometr masofadagi 116 ta markaziy va ichki ko‘chalarda 17,3 milliard so‘mlik turli darajadagi ta’mirlash ishlari amalga oshirilganini qayd etdi.

Shuningdek, hokim joriy yilgi dasturda 150 ga yaqin ko‘chada ta’mirlash ishlari bajarilishi rejalashtirilganini bildirdi.