Shavkat Mirziyoyev may oyida Xitoyga davlat tashrifi bilan boradi

Toshkentdagi Xalqaro biznes markazida 2017-yil 24-martda O‘zbekiston Respublikasi va Xitoy Xalq Respublikasi o‘rtasidagi savdo-iqtisodiy hamkorlik bo‘yicha kichik qo‘mitaning 5-yig‘ilishi bo‘lib o‘tdi.

Yig‘ilishda O‘zbekiston Respublikasi Prezidenti Shavkat Mirziyoyev may oyida Xitoy Xalq Respublikasiga davlat tashrifi bilan borishi ma’lum qilindi.

O‘zbekiston Respublikasi Tashqi iqtisodiy aloqalar, investitsiyalar va savdo vaziri Elyor G‘aniyev va XXR savdo vaziri o‘rinbosari Fan Aysin yig‘ilishga raislik qildi. Yig‘ilish may oyida bo‘lib o‘tadigan ikki davlat rahbarining uchrashuvi vaqtida ko‘rib chiqiladigan masalalar va imzolanadigan hujjatlarni tayyorlash yuzasidan muhim ahamiyat kasb etadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!