Nasriddin Afandi haykalining boshiga chiqib olgan yigit buxoroliklardan uzr so‘radi

Ijtimoiy tarmoqlarda noma’lum shaxsning Buxoroning “Labi Xavuz” majmuasidagi “Xo‘ja Nasriddin Afandi” monumenti bosh qismiga chiqib tushgan fotosurati tarqalgan edi.

Mazkur holatga aniqlik kiritish maqsadida Buxoro viloyat IIB Xavfsiz turizmni ta’minlash boshqarmasi xodimlari tomonidan surishtiruv ishlari olib borildi. Natijada ushbu shaxs Qorako‘l tumani Yangibozor mahallasida yashovchi, 1990-yilda tug‘ilgan Q.M. ekanligi aniqlandi.

U ushbu fotosuratga 2015-yilning mart yoki aprel oylarida tushganligi, qilgan ishidan pushaymonligi va Buxoro ahlidan kechirim so‘rashini bildirdi.