Chirchiqda 19 yoshli qizni urgan yigit 1 yilga qamalishi mumkin

23-yanvar kuni soat 20:00 da Chirchiq shahar Feruz ko‘chasida yashovchi yollanma ishchi, 1996-yilda tug‘ilgan S.H uyida o‘zaro janjallashib, shu shaharda yashovchi Toshkent shahrida joylashgan akademik litseyning 3-bosqich o‘quvchisi 1999-yilda tug‘ilgan, S.Kni qo‘li va oyoqlari bilan urib, tan jarohati yetkazgan. Bu haqda Toshkent viloyati IIB matbuot xizmati xabar bermoqda.

Tibbiy ekspertiza xulosasiga ko‘ra, S.K olgan tan jarohati “sog‘liqni qisqa muddatga buzilishiga olib kelgan yengil” tan jarohati ekanligi aniqlangan.

Shahar IIB huzuridagi tergov bo‘limi tomonidan O‘zbekiston Respublikasi Jinoyat Kodeksining 109-moddasi (Qasddan badanga yengil shikast yetkazish) 2-qismi bilan jinoyat ishi qo‘zg‘atilgan.