BMT Bosh kotibi terrorizmga qarshi kurash boshqarmasiga Rossiya vakili rahbarlik qilishini ma’lum qildi

BMT Bosh kotibi Antoniu Guterrish BMTda terrorizmga qarshi kurash boshqarmasini yaratishni taklif qildi. Bu haqda “RBK” xabar bermoqda.

Bosh kotibning so‘zlariga ko‘ra, yangi tuzilma terrorizmga qarshi kurash bilan shug‘ullanuvchi o‘nlab agentliklar va dasturlar faoliyatini tartibga solish uchun zarur.

“Yangi tuzilmani yaratishdan ko‘zlanayotgan yagona maqsad ishning samarasini oshirishdir”, — dedi Guterrish.

Guterrish yangi tuzilma rahbari BMT Bosh kotibi o‘rinbosari rangiga ega bo‘lishini aytib, ushbu lavozimga Rossiya vakili tayinlanishini qayd etdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!