Mark Sukerbergdan Facebook direktorlar kengashi rahbari lavozimini tark etishni talab qilishdi

AQShning bir nechta davlat investitsiya fondlari Mark Sukerbergni Facebook direktorlar kengashi rahbari lavozimidan olish taklifini qo‘llab-quvvatladi. Bu haqda The Wall Street Journal xabar bermoqda, deb yozadi “Spot”.

Nyu-York davlat xizmatchilari pensiya jamg‘armasi faoliyatini nazorat qiluvchi shahar g‘aznachisi Skott Stringer (aktivlari — 195 milliard dollar) Sukerbergning iste’fosi tarafdori bo‘lib chiqmoqda. Shuningdek, mazkur choraning zarurligiga Rod-Aylend, Illinoys va Pensilvaniya shtatlarining g‘aznachilari ham qo‘shilgan.

Stingerning bayonotida Facebook “amerikaliklar va investorlarning ishonchini tiklashi” lozimligi ta’kidlanadi. Buning uchun, g‘aznachining fikricha, kompaniya direktorlar kengashining mustaqil rahbarini tayinlash lozim.