Toshkent shahar bosh rejasining konsepsiyasi 2019-yilning aprelida taqdim etiladi

Toshkent shahar bosh rejasining konsepsiyasi aprel oyida taqdim qilinadi. Bu haqda Toshkent shahar hokimligida o‘tkazilgan press-anjumanda ma’lum qilindi, deb xabar bermoqda “Daryo” muxbiri.

Ma’lum qilinishicha, hozirda Toshkent bosh rejasini tuzishda xorijdan yirik kompaniyalar jalb qilingan. Jumladan loyiha Britaniya, Turkiya va Xitoy mutaxassislari tomonidan ishlab chiqilmoqda.

Toshkent shahar hokimining arxitektura, kapital qurilish va kommunikatsiyalarni rivojlantirish masalalari bo‘yicha birinchi o‘rinbosari Davron Hidoyatovga ko‘ra, Toshkent bosh plani 2014-yilda ishlab chiqilgan, biroq bugunga kelib, poytaxtda rejalar o‘zgargani sabab, 2014-yilda tasdiqlangan bosh plan o‘z aktualligini yo‘qotgan.