Qoraqalpog‘istonda saksovul o‘g‘irlagan 7 kishining har biri 7 milliondan ortiq jarimaga tortildi

Qoraqalpog‘iston Respublikasi Ekologiya va atrof-muhitni muhofaza qilish qo‘mitasi davlat inspektorlari tomonidan To‘rtko‘l tumani Qizilqum cho‘lida navbatdagi reyd tadbiri o‘tkazildi, deb xabar bermoqda qo‘mita matbuot xizmati.

Reyd davomida, 18-oktabr kuni soat taxminan 02:00 larda To‘rtko‘l tumani fuqarolari Q.I., Ye.R, Q.R., V.T., S.S., S.M., va Q.R. GAZ 53, UAZ 469, va UAZ 662 rusumli jami 7 ta avtotransport vositasida noqonuniy ravishda 16,5 metr kub saksovulni olib ketayotganligi aniqlangan.

Xabarda aytilishicha, tabiatga yetkazilgan zarari uchun mazkur fuqarolarga Vazirlar Mahkamasining 2014-yil 20-oktabrdagi qaroriga asosan 5 120 080 so‘m hisoblandi.

Mavzuga doir:

“Ma’muriy javobgarlik to‘g‘risida”gi kodeksning 79-moddasi 1-bandi bilan fuqarolarning har biriga eng kam ish haqining 5 baravar miqdorida, ya’ni jami 7 805 000 so‘m jarima belgilandi.