Eshli Yang “Manchester Yunayted”ni tark etdi

“Manchester Yunayted” himoyachisi Eshli Yang faoliyatini “Inter”da davom ettiradi. Bu haqda milanliklar klubi matbuot xizmati ma’lum qildi.

34 yoshli ingliz futbolchisi “Inter” bilan 2020-yilning 30-iyuniga qadar mo‘ljallangan shartnoma imzoladi. Kelishuvni yana bir yilga uzaytirish bandi ham bor.

Transfer narxi 1,5 million yevro atrofida bo‘lgani xabar qilinmoqda. Avvlaroq Yang milanliklar klubida 1,5 yil mobaynida 6 million yevro ishlashi aytilgandi.

Yang 2011-yildan buyon “Manchester Yunayted”da faoliyat yuritib kelar edi. U klub uchun umumiy miqdorda 261 ta o‘yin o‘tkazib, 19 ta gol urishga erishgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!