Rossiya Xitoy bilan temir yo‘l aloqalarini to‘xtatdi

Rossiya 3-fevraldan boshlab Xitoy bilan temir yo‘l orqali yo‘lovchilar qatnovini noma’lum muddatga to‘xtatdi. Bu haqda Rossiya temir yo‘llari matbuot xizmati xabar berdi.

Bu qarorni koronavirus tarqalishining oldini olish maqsadida Rossiyaning temir yo‘l transporti bo‘yicha bosh sanitar shifokori Yuriy Koskov qabul qilingan.

Eslatib o‘tamiz, 31-yanvardan boshlab Rossiya Xitoy bilan temir yo‘l aloqalarini cheklagan edi.

Avvalroq Rossiya koronavirus tarqalishi bilan bog‘liq vaziyat sababli Xitoyning Xubey provinsiyasidan o‘z fuqarolarini evakuatsiya qilish chora-tadbirlarini boshlaganini ma’lum qilgandi. Shuningdek, Rossiyada yangi turdagi koronavirusni yuqtirib olish bilan bog‘liq dastlabki ikki holat qayd etilgan.