Oq uy matbuot kotibi: Tramp Shimoliy Koreyaga qarshi harakatlarni ogohlantirishsiz amalga oshiradi

AQSh prezidenti Donald Tramp Shimoliy Koreya raketa dasturi rivojlanishiga toqat qilmaydi va Pxenyanni tiyib turishga qartilgan harakatlarni ogohlantirishsiz amalga oshiradi. Bu haqda Oq uy matbuot kotibi Shon Spayser ma’lum qildi, deya xabar bermoqda“Gazeta.ru”. 

“Prezident javob choralari haqida oldindan aytadiganlardan emas. U KXDR raketa dasturiga toqat qilinmasligini aniq-tiniq bildirdi. Yadroviy Shimoliy Koreyani Qo‘shma Shtatlar qirg‘oqlari yoki boshqa davlatga tahdid qilayotganini ko‘rishni mutlaqo istamaymiz”, — deya ta’kidladi Spayser. 

Oldinroq Tramp AQShga tashrif bilan kelgan Xitoy rahbari Si Szinpinga ikki davlat o‘rtasidagi savdo kelishuvi Pekin KXDR muammosini hal etishga kirishgan taqdirda yaxshiroq amalga oshishini bildirgandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!