Rossiyada koronavirus infeksiyasini yuqtirib olish bilan bog‘liq to‘rtta yangi holat aniqlandi

Rossiya hududida so‘nggi bir sutka ichida koronavirus infeksiyasini yuqtirib olish bilan bog‘liq to‘rtta yangi holat aniqlandi. Bu haqda Rossiya hukumati huzuridagi koronavirusga qarshi kurashish bo‘yicha tezkor shtab ma’lum qildi.

Lipetskda uchta, Sankt-Peterburgda esa bitta kasallanish holati ro‘yxatga olingan. Qo‘shimcha qilinishicha, koronavirus yuqtirib olgani aniqlangan bu to‘rt bemorning bari so‘nggi ikki hafta ichida Italiyada bo‘lib qaytgan.

Rossiyada bungacha koronavirus infekssiyasini yuqtirib olish bilan bog‘liq 10 ta holat ro‘yxatga olingan edi, ularning oltitasi Moskvada aniqlangan edi. Bemorlarning uch nafari tuzalishga muvaffaq bo‘ldi.