Xitoy C919 havo kemasining ilk parvozi 5-mayga belgilandi

Xitoyning C919 reaktiv yo‘lovchi havo kemasining ilk sinov parvozi 5-mayga belgilandi. Bu haqda samolyotni ishlab chiqqan Xitoy tijorat aviatsiyasi korporatsiyasi (COMAC) ma’lum qildi, deb yozadi “TASS”.

Sinov Shanxayning Pudun xalqaro aeroportida o‘tkaziladi.

“Ob-havo sharoitlari noqulay bo‘lsa, ilk parvoz sanasi o‘zgartirilishi mumkin”, — deyiladi kompaniya bayonotida.

Ishlab chiqaruvchilar oxirgi bir necha hafta davomida ilk parvoz oldidan bir qator yakuniy sinovlar o‘tkazdi. Jami 118 ta parvozoldi sinovi, jumladan, uchish-qo‘nish yo‘lagida turli tezlikda boshqarish bo‘yicha sinovlar o‘tkazilgan.

C919 2015-yilning noyabrida konveyerdan chiqdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!