Qozog‘iston Sladkoye ko‘lini Rossiyadan o‘z tarkibiga qabul qilib olganini tasdiqlamadi

Qozog‘iston TIV matbuot kotibi Anvar Jaynaqov Sladkoye ko‘li mamlakat tarkibiga qo‘shib olinmaganini bildirib o‘tdi. Bu haqda “Gazeta.ru” xabar bermoqda.

Muqaddam Rossiya Qozog‘istonga chegaradagi Sladkoye ko‘lini butunlay o‘tkazib bergani xabar qilingan edi. Ammo ushbu ma’lumot tasdig‘ini topmadi.

“Rossiya Qozog‘istonga ko‘l sovg‘a qilgani haqida gapirish to‘g‘ri emas, negaki ko‘lning bir qismi avval boshidan Qozog‘iston tarkibidadir”, — qayd qilib o‘tdi u.

Uning so‘zlariga qaraganda, chegara chizig‘i 2005-yil 18-yanvardagi delimitatsiya kelishuvi asosida o‘rnatilgan.

“Bu uchastkada hech qanday o‘zgarish bo‘lmadi”, — xulosa qildi Jaynaqov.

“Daryo”ning Telegram’dagi rasmiy kanali — @toshqindaryo’ga a’zo bo‘ling!