Isroilning O‘zbekistondagi yangi elchisi tayinlandi

2017-yilning 25-avgust kuni O‘zbekiston Respublikasi Tashqi ishlar vaziri Abdulaziz Komilov Isroilning yangi tayinlangan favqulodda va muxtor elchisi Eduard Shapirani qabul qildi, deb xabar berdi Tashqi ishlar vazirligi matbuot xizmati.

Elchi vazirga o‘z ishonch yorliqlari nusxasini topshirdi.

Suhbat chog‘ida O‘zbekiston—Isroil munosabatlari holati va uni yanada rivojlantirish, xususan, savdo-iqtisodiy va investitsion sohalarda kengaytirish istiqbollari muhokama qilindi.

Muzokaralarda ba’zi mintaqaviy va xalqaro muammolar yuzasidan ham fikr almashildi.

“Daryo”ning YouTube’dagi rasmiy sahifasiga obuna bo‘ling