O‘zbekiston xalqaro xayriya reytingida 38-o‘rinni egalladi. Myanma birinchi o‘rinda

O‘zbekiston xalqaro xayriya reytingida 38-o‘rinni egalladi (World Giving Index). Reyting Charities Aid Foundation (CAF) xayriya fondi tomonidan taqdim etildi, deb xabar beradi UzDaily.

O‘tgan yili O‘zbekiston ushbu reytingad 11-o‘rinni egallagan edi.

CAF fondi 139 mamlakatda insoniy saxovat va yordam berish xohishi bo‘yicha tadqiqot o‘tkazdi. Jumladan, beg‘araz pul berish, xayriya loyihalarida ko‘ngilli bo‘lish, notanish insonlarning qornini to‘ydirish yoki kiyim-kechak berish singari kriteriylar tekshirildi.

CAF hisobotiga ko‘ra, O‘zbekiston aholisining 40 foizi turli shakllardagi xayriya aksiyalarida ishtirok etadi. O‘zbekistonliklarning 55 foizi notanish insonlarga yordam berishga tayyor.

CAF’ga ko‘ra, O‘zbekiston fuqarolarining 46 foizi pul xayriya qiladi, 18 foizi esa turli loyihalarda ko‘ngilli sifatida qatnashadi.

2017-yilgi reyting boshiga Myanma keldi. Indoneziya ikkinchi, Keniya esa uchinchi o‘rinni egalladi. Oxigi o‘rinda (139) Yaman turibdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!