“O‘zga sayyoraliklar”ning Yerga “hujumlari” xaritasi tuzildi

Internetdan noma’lum uchar jismlar haqidagi xabarlardan iborat interaktiv xarita topildi, u konspirologlar tomonidan yaratilgan, deb yozadi The Daily Mail.

UFO Stalker nomli loyiha xaritada obyekt aniqlangan joyni belgilab, uni qachon ko‘rishgani haqidagi ma’lumotni, shuningdek, guvohlar izohlarini ilova qiladi. Sayt ma’lumotlariga ko‘ra, 2017-yilda bunday “tushuntirib bo‘lmaydigan” hodisalardan qariyb 84 mingtasi yuz bergan, bu o‘tgan yildagi ko‘rsatkichdan 12 foizga ko‘proq demakdir.

Xaritaga ko‘ra, tashkilotchilar butun dunyodan yig‘ilgan ma’lumotlardan foydalanadi. Shu bilan birga, xabarlarning ko‘pchiligi osmondagi yorug‘lik chaqnashlariga aloqador bo‘lib, noma’lum guvohlar hikoyalariga asoslanadi.