Hindistonda kelin-kuyov to‘yona sovgasiga joylangan bomba tufayli portlab ketdi

Hindistonda yosh kelin-kuyov to‘y sovg‘asiga joylangan bomba tufayli portlab ketdi. Bu haqda “RIA Novosti” xabar bermoqda.

Hodisa Odisha shtatida to‘ydan bir necha kun o‘tib ro‘y berdi. Juftlik sovg‘alarni ochib ko‘rayotganda paketlardan biri to‘satdan portladi.

Kuyovning buvisi voqea joyida halok bo‘ldi, er-xotin kasalxonaga yetkazildi. Kuyov keyinchalik reanimatsiyada hayotdan ko‘z yumdi, kelin kasalxonada davolanmoqda.

Politsiya xodimlari sovg‘aga kim va nima uchun bomba qo‘ygani, shuningdek, portlovchi qurilma turini aniqlashga urinmoqda.