Xitoy qurolli kuchlarini 300 ming kishiga qisqartirdi

Xitoy hukumati mamlakat armiyasi harbiylari sonini 300 ming kishiga qisqartirishni yakuniga yetkazdi. Bu haqda Umumxitoy xalq vakillari majlisining yillik sessiyasi davomida Davlat kengashi rahbari Li Kesyan ma’lum qildi, deya xabar beradi “TASS”.

Shunday bo‘lsa ham, Xitoy harbiylari soni bo‘yicha hamon dunyodagi eng yirik armiya bo‘lib qolmoqda. Oxirgi paytlarda uning tarkibida 2,3 million kishi bo‘lgani bildiriladi.

Taqqoslash uchun, 1951-yili, Koreya urushi vaqtida mamlakat qurolli kuchlarida 6,27 million, 1975-yilda, madaniy inqilob davrida esa 6,1 million askar va zobit xizmat qilgan.