» » Buxorolik ishlab chiqaruvchilar o‘z mahsulotlarini Tojikistonga eksport qilmoqda

Buxorolik ishlab chiqaruvchilar o‘z mahsulotlarini Tojikistonga eksport qilmoqda


Buxoro viloyatining Vobkent tumanidagi “Bahor plastiks” O‘zbekiston – Xitoy qo‘shma korxonasida ishlab chiqarilayotgan kir yuvish vositalariga nafaqat ichki, balki tashqi bozorda ham talab ortmoqda, deb yozadi O‘zA.

Korxonaning “O‘zbekistonda ishlab chiqarilgan” tamg‘asi bosilgan raqobatbardosh mahsulotlari Afg‘oniston, Qozog‘iston va Tojikistonga ham eksport qilinmoqda. Xorijlik buyurtmachilar orasida Tojikiston tobora mustahkam o‘rin egallamoqda.

“O‘tgan yili 390 ming dollarlik mahsulotni eksport qildik, — deydi korxonas direktori o‘rinbosari Solih Latipov. — Eksportning yarmini tojikistonlik sheriklarimiz buyurtmasi tashkil etadi. Joriy yilda bu ko‘rsatkichlar yanada salmoqli bo‘lishi kutilmoqda. Buyurtma portfeliga asosan xorijga 1 million, jumladan, Tojikistonga qariyb 500 ming dollarlik mahsulot yetkazib beramiz”.

“Bahor plastiks”ning viloyatdagi turdosh korxonasi hisoblangan Buxoro tumanidagi “Buxoro shaten clean” mas’uliyati cheklangan jamiyati ham qo‘shni mamlakat bozoridan o‘rin topishga ulgurdi. Joriy yilda subyekt tomonidan 120 ming dollarlik kir yuvish vositalari jo‘natiladi. Bu o‘tgan yildagidan 35 foizga ko‘pdir.

Buxoro viloyatidan Tojikistonga to‘qimachilik va boshqa mahsulotlar ham eksport qilinmoqda. O‘tgan yili uning hajmi 445 ming dollardan oshdi.

O‘zbekiston – Tojikiston o‘rtasida tobora rivojlanib borayotgan iqtisodiy hamkorlik aloqalarida Buxoro viloyatining ham o‘z o‘rni bor. Yaqin kunlarda qo‘shni davlat poytaxti Dushanbe shahrida tashkil etiladigan O‘zbekiston milliy sanoat ko‘rgazmasida viloyatda ishlab chiqarilgan mahsulotlar ham namoyish etiladi.



Manba: Daryo.uz
Опубликовано: admin (8-03-2018, 19:13)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 56) ( 0) ( 55) ( 1)
Юзеры:
- отсутствуют
Гости:
Роботы:
Последние 20 посетителей... - отсутствуют