Astraxan viloyatida odam savdosi bilan shug‘ullanishda gumon qilinayotgan O‘zbekiston fuqarosi qo‘lga olindi

Rossiyaning Astraxan viloyatidagi “Oqsaroy” o‘tkazish punktida chegarachilar odam savdosi bo‘yicha xalqaro qidiruvda bo‘lgan O‘zbekiston fuqarosini qo‘lga oldi. Bu haqda Rossiya FXX bojxona boshqarmasiga asoslanib, Sputnik xabar berdi.

“O‘zbekiston fuqarosi to‘rt yildan buyon davlatlararo qidiruvda bo‘lgan. Odam savdosi bilan shug‘ullanishda gumonlanayotgan erkak bir necha yildan beri o‘z mamlakatida tergovdan berkinib yurgan”, — deyiladi xabarda.

Ma’lum qilinishicha, jinoyatda gumonlanayotgan shaxs poyezdlarning chegara nazorati paytida hibsga olingan.