Toshkentda “Butunjahon velosiped kuni”ga bag‘ishlangan musobaqa bo‘lib o‘tadi

O‘zbekiston velosiped sporti Federatsiyasi Turkmanistonning O‘zbekistondagi elchixonasi bilan hamkorlikda 3-iyun — Xalqaro velosiped kuni munosabati bilan velotur o‘tkazadi, deb xabar beradi “Gazeta.uz”.

Mazkur veloturda O‘zbekistonda faoliyat yuritayotgan diplomatik korpus vakillari, elchixona, vakolatxonalar xodimlari va boshqalar ishtirok etishi mumkin.

Qayd etilishicha, veloturga 3-iyun kuni Toshkent shahri Taraqqiyot ko‘chasida start beriladi. Ro‘yxatga olish soat 7:00 dan 8:00 gacha davom etadi. Velopoyga esa soat 9:00 da start oladi.

Musobaqachilar Maxtumquli ko‘chasi bo‘ylab  “O‘zbekiston” mehmonxonasidan “Tashselmash” chorrahasiga qadar boradi.

237?47?44 telefon raqamlari orqali qo‘shimcha ma’lumot olish mumkin.