Toshkentda Maxtumquli ko‘chasini Qodiriy ko‘chasi bilan bog‘lovchi ikki tomonlama yo‘l ochiladi

Toshkent shahar IIBB YHXB qo‘shimcha qulayliklar yaratish va yo‘l harakatini tashkillashni yaxshilash maqsadida bir qancha yangiliklarga qo‘l urmoqda. Bu haqda IIBB Axborot-multimedia markazi xabar berdi.

Jumladan, Maxtumquli ko‘chasini Abdulla Qodiriy ko‘chasi bilan bog‘lovchi ikki tomonlama harakat yo‘nalishi va Abdulla Qodiriy ko‘chasidan Maxtumquli ko‘chasiga o‘tish yo‘lini tashkil etish rejalashtirilmoqda.

Shuningdek, Maxtumquli ko‘chasining Katolik cherkovi ro‘parasidagi qayrilib olish joyini ham ochish ko‘zda tutilgan.

Xaritada ko‘k rangda yo‘lning harakatlanish uchun ochilayotgan qismlari, sariq rangda esa ko‘rib chiqilayotganlari aks etgan.