AQSh Toshkent viloyatida intensiv bog‘ ochdi

AQSh hukumati AQShning xalqaro taraqqiyot bo‘yicha agentligi (USAID) orqali, Qishloq xo‘jalik vazirligi bilan sheriklikda Toshkent viloyatidagi “Agroinnovatsiya” markazida ko‘rgazmali olma bog‘ini ochdi, deya xabar bermoqda AQSh elchixonasi.

“Agroinnovatsiya” markazida tadqiqotlar olib boriladi hamda butun O‘zbekiston bo‘ylab bog‘dorchilik bo‘yicha mutaxassislar tayyorlanadi.

Ko‘rgazmali olma bog‘ining maydoni 0,5 gektar bo‘lib, u yerda Golden Delishes, Starkrimson va Saltanat kabi hosildorligi yuqori bo‘lgan olma ko‘chatlari o‘tqazildi. Shuningdek, USAID intensiv bog‘ga tomchilab sug‘orish tizimi kabi innovatsion uskunalar o‘rnatilishini qo‘llab-quvvatladi.