IT-mutaxassislar O‘zbekistonda oylik o‘sishi bo‘yicha birinchi o‘rinni saqlab qoldi

O‘zbekistonda maoshlar hammadan ko‘proq axborot va aloqa mutaxassislarida oshmoqda. Bu haqda Davlat statistika qo‘mitasi ma’lumotlari guvohlik bermoqda, deb yozadi “Spot”.

2018-yilning birinchi uch choragida ushbu sohada o‘rtacha oylik nominal hisoblangan ish haqi 3,2 million so‘mni tashkil etdi. O‘tgan yilning shu davri bilan taqqoslaganda o‘sish — 33 foiz.

Undan keyingi o‘rinni sanoat va qurilish sohasi mutaxassislari egallamoqda — o‘sish 28,6 foiz (o‘rtacha oylik nominal hisoblangan ish haqi tegishli ravishda 2,5 va 2,1 million so‘m).

Moliya va sug‘urta faoliyati xodimlarida o‘sish sur’ati 27,6 foizni tashkil etdi (3,2 million so‘m).

Savdo (10,3 foiz), ta’lim, sog‘liqni saqlash va ijtimoiy xizmatlar ko‘rsatish (17,7 foiz) sohalarida ish haqi eng kam o‘smoqda.