Jajji Diyorbek og‘ir dard bilan kurashmoqda. U yaxshilar ko‘magiga muhtoj

Navoiy viloyati Xatirchi tumanida tug‘ilgan 4 yoshli Diyorbek Erkinov hozirda og‘ir betob. Qariyb 9 oydan beri u leykoz deb ataluvchi og‘ir kasallik bilan kurashmoqda. U hozirda moddiy ko‘makka muhtoj.

Yil boshida Diyorbekning isitmasi 39-41 darajadan tushmay, oyoqlari ko‘karib ketgan, yurolmay qolgan. Shundan so‘ng unga Toshkentdagi Gematologiya markazida o‘tkir monoblast leykoz tashxisi qo‘yilgan.

O‘shandan beri onasi Diyorbek bilan shifoxonalarda yotib davolanib kelmoqda. Hozirda davolanishning 7-bosqichida. Orada yana 11 ta kurs bor. Ona farzandi yonida. Oila boquvchisi ishlaydi, topgani ro‘zg‘or va ijara to‘lovidan ortmaydi.

Dorilar o‘ta qimmatligi sabab o‘z vaqtida olishga, kurslarni davom ettirishga oilaning imkoni yo‘q. Ota-ona farzandining dori-darmonlariga qarindoshlardan pul so‘rab, katta qarzga botgan.

Oila yaxshilarning ko‘magiga muhtoj. Qo‘limizdan kelguncha, imkoniyat yetguncha Diyorbekka imkon qadar xolis yordam beraylik.

Xayriya qilmoqchi bo‘lganlar uchun kerakli ma’lumotlar:

Plastik karta orqali:(Click, Payme)

Otasi Umid Haitov nomiga ochilgan

Agrobank: 8600-0423-2525-2640

Pasport raqami: AB 4476779

Onasi Mo‘tabar Askarovaning telefon raqami: +998 94 485 18 16