Toshkentdagi 8 ta bozorda bayramoldi savdo yarmarkalari tashkil qilindi

Toshkent shahar hokimligi tashabbusi bilan joriy yilning 15-dekabridan boshlab poytaxtdagi 8 ta bozorda bayramoldi savdo yarmarkalari tashkil qilindi. Bu haqda Toshkent shahar hokimligi matbuot xizmati xabar bermoqda.

Savdo yarmarkalari Qo‘yliq, Qoraqamish, Yunusobod, Eski juva, Farhod, Oloy, Askiya, Aviasozlar dehqon bozorlarida tashkil etildi.

Yarmarkalarda aholi arzonlashtirilgan narxlarda savdoni amalga oshirmoqda. Yangi yil olididan tashkil etilayotgan bu kabi yarmarkalardan toshkentliklar va shahar mehmonlari mamnun bo‘lmoqda, deyiladi xabarda.