Sudanning taxtdan ag‘darilgan prezidenti uyidan 100 mln dollar topildi

Sudanning hokimiyatdan chetlatilgan prezidenti Umar al-Bashirning uyida tintuv o‘tkazilganida, 113 million dollarga teng miqdorda pul topildi. Bu haqda “TASS” xabar berdi.

Armiya tomonidan hibsga olingan sobiq prezident xorijiy valyuta haqidagi qonunni buzishda gumon qilinmoqda. Tintuv jarayonida 352 ming dollar, 6,7 million yevro, 5 milliard sudan funti (taxminan 105 million dollar) topilgan bo‘lib, umumiy hisobda 113 million dollarni tashkil etgan. Musodara qilingan mablag‘lar Sudan Markaziy banki g‘aznachiligiga yuborilgan.