Xabarovskda ayiqlar yo‘lda tushib qolgan bir tonnaga yaqin baliqni paqqos tushirdi 

Xabarovsk o‘lkasining Nikolayevsk tumani hududida ayiqlar yo‘lda tushib qolgan bir tonnaga yaqin baliqni yeb qo‘ydi. Bu haqda tuman ma’muriyati ma’lum qildi, deya xabar beradi “Interfaks”.

“Yuk mashinasi baliqchilik xo‘jaligidan mahsulotlarni olib kelayotganda Nikolayevskka yaqin joydagi balandlikda yukning bir qismi — bir tonnaga yaqini yo‘lda tushib qoldi. Daryolarda hozir ozuqa kam, ayiqlar baliqning hidini sezib, yo‘lga chiqdi va hammasini yeb qo‘ydi”, — deydi tuman ma’muriyati favqulodda vaziyatlar bo‘limi boshlig‘i Aleksandr Shaligin.

Ijtimoiy tarmoqlarda mazkur hodisa fotolari paydo bo‘ldi. Ularda baliqlarga to‘la yo‘l va tanovul bilan band 4 ta ayiq aks etgan.

“Daryo” yangiliklarini “Odnoklassniki”da kuzatib boring